“Azərbaycan Udi Ocağı” tarixi etnoqrafik park muzeyi Böyük Qafqazın cənub yamacının mənzərəli düzənliyində, Qəbələ rayonunun Nic kəndinin Qocabəyli məhəlləsində yerləşir. Üç hektardan artıq ərazidə yerləşən açıq səma altındakı bu park muzey udi xalqının mədəniyyətini, ənənələrini, məişətini və yaşayış tərzini əks etdirən simvolik bir etnoqrafik kənddir.