Tolerantlıq başqalarına hörmət etmək qabiliyyətidir. Azərbaycan tolerantlığın modelidir. Burada müxtəlif dinlərdən olan insanlar qarşılıqlı hörmət şəraitində yaşayırlar.

"Multikultural Azərbaycan" xəbər verir ki, bunu Rus Proslav Kilsəsinin Bakı və Azərbaycan Yeparxiyasının katibi Aleksiy Nikonorov "Azərbaycan: birgəyaşayış nümunəsi” mövzusunda konfransda deyib.

Dünyada baş verən qlobal hadisələrdən bəhs edən A.Nikonorov radikal islamın mənfi təzahürlərindən təəssüflə danışıb.

"Bizim vəzifəmiz Azərbaycanın necə tolerant ölkə olduğunu, burada müxtəlif dinlərdən olan insanların birgəyaşayışını dünyada təbliğ etmək və yaymaqdır", - deyə Rus Proslav Kilsəsinin Bakı və Azərbaycan Yeparxiyasının katibi bildirib.