Gəncədəki Aleksandr Nevski Pravoslav Kilsəsinin 136 illiyi qeyd olunub.Bu münasibətlə Gəncədəki məbəddə dini ayinlər icra olunub.

Kilsənin yaradılması ilə bağlı tədbirdə Rus Pravoslav Kilsəsinin Bakı və Azərbaycan Yeparxiyasının idarəsinin katibi Arximandrit Aleksiy (Nikonorov), rəsmi şəxslər, Gəncə şəhəri və ətraf bölgələrdə yaşayan pravoslavlar da iştirak ediblər. Ayinlərə Rus Pravoslav Kilsəsinin Bakı Yeparxiyasının katibi, Arximandrit Aleksiy (Nikonorov) başçılıq edib.

Sonda kilsənin ətrafında yürüş keçirilib. Qeyd edək ki, Aleksandr Nevski Pravoslav Kilsəsi 1887-ci ildə şəhərin köhnə qəbiristanlığın yerində həm yerli pravoslavların, həm də müsəlmanların xeyriyyə vəsaiti hesabına inşa edilib.1916-cı ildə kafedral statusuna sahib olan kilsə 1931-ci ildə Sovet hökuməti tərəfindən bağlanıb.1935-1938-ci illərdə muzey binası kimi istifadə edilib. Muzey eksponatlarının başqa bir yerə (məscidə) köçürülməsindən sonra məbəd binası anbar kimi istifadə edilib. 1946-cı ildə məbəd Rus Pravoslav Kilsəsinə qaytarılıb./REAL