Dövlət Miqrasiya Xidmətinin (DMX) əməkdaşları, Təhsil Nazirliyi və 49 ali təhsil müəssisəsinin nümayəndələri, DMX yanında İctimai Şuranın üzvlərinin iştirakı ilə növbəti tədris ili ərəfəsində əcnəbi tələbələrin miqrasiya məsələlərinə həsr olunmuş videoformatda görüşü keçirilib. Məlumatı DMX-nin İctimaiyyətlə əlaqələr idarəsi yayıb.

Görüşdə əcnəbi tələbələrə müvəqqəti yaşama icazəsi verilməsinə dair son dörd ili əhatə edən statistik məlumatlar, hazırda ölkəyə giriş-çıxış şərtləri, xüsusi karantin rejimi ilə əlaqədar mövcud qaydalar diqqətə çatdırılıb.

Həmçinin COVID-19 pandemiyası ilə əlaqədar tətbiq edilən güzəştlər, inzibati-hüquqi məsələlər, elektron xidmətlər və optimallaşdırma, Çağrı Mərkəzinin fəaliyyəti, MİGAZ mobil tətbiqi barədə məlumat verilib.

Ölkədə həyata keçirilən miqrasiya siyasətinin əcnəbilərə təsiri ilə bağlı anonim sorğular və Regional Miqrasiya Təlim Mərkəzinin təqdimatı olub.