"Dodo" qəzeti Azərbaycanda talış dilində nəşr olunan qəzetdir.  Baş redaktoru müstəqil araşdırmaçı və tədqiqatçı İradə Məlikovadır. 

Qəzet 25 may 2017-ci ildə Azərbaycan Respublikası Ədliyyə Nazirliyində qeydiyyatdan keçib. 

8 səhifədən ibarət olan qəzet 1000 tirajla nəşr olunur.

Qəzetin dodoqezeti.az adlı saytı online fəaliyyət göstərir. Sayt Azərbaycan reallıqlarını, milli azlıqların sosial-mədəni inkişafını ictimailəşdirir. 

Ötən il Bakı Beynəlxalq Multikulturalizm Mərkəzində “Dodo” qəzetinin (2017-2020) 3 illik buraxılışının kitab şəklində nəşri münasibətilə tədbir keçirilib.

“Dodo” qəzeti ayda  bir dəfə talış dilində çıxan ictimai qəzetdir. Qəzetin ilk 2 səhifəsində dövlət tərəfindən keçirilən tədbirlərə geniş yer ayrılır. Eyni zamanda, ziyalılar haqqında məlumatlar verilir. Qəzetin digər səhfələrində isə talış folkloruna aid nümunələr: atalar sözləri, deyimlər, yanıltmaclar, nağıllar, hekayələr, rəvayətlər, tapmacalar, şeirlər, qəzəllər, bəhri-təvillər, eləcə də talış dilinin qrammatikası, lüğətlər, nəşr edilmiş kitablar, talış mədəniyyətinə aid müxtəlif mövzular işıqlandırılır.

Qeyd edək ki, "DODO" qəzetinin redaksiyası Azərbaycan Nəşriyyatında yerləşir.