"Son Qarabağ savaşı Azərbaycanda etnik qarşıdurma yaradanlara cavab idi - bu Vətən uğrunda birlikdə ölməyə hazırıq".

"Multikultural Azərbaycan" XəzərNews.az-a istinadən xəbər verir ki, bu barədə açıqlama ilə siyasi şərhçi Azər Rəşidoğlu çıxış edib.

A.Rəşidoğlu bildirib ki, hakimiyyətin nəzarətində olan bəzi jurnalistlərin "türk qanı" axtarışını bir türk olaraq pisləyirəm və bu manipulyasiyaya son qoyulmasını tələb edirəm:

"O cümlədən fars və rus ləhcəsi ilə danışan separatçıları pisləyirəm və "Vətən bölünməz" deyirəm. Əminəm ki, Qarabağ savaşında minlərlə şəhid verən qəhrəman talış qardaşlarımız bu təxribatın qarşısını özləri alacaq. Talışlar heç vaxt separatçı olmayıblar və Vətənə bağlı olduqlarını qanları ilə sübut ediblər. Türkün, talışın, ləzginin bir Vətəni var - Azərbaycan! Dünənə qədər Rusiyanı bizə Ana Vətən kimi sırıyan təxribatçılar bu gün "türk qanı"ndan danışır. Dünənə qədər susanlar bu gün "talışların hüququ"ndan danışır. Alınmayacaq! Yaşasın Azərbaycan!"