Bir aydır ki, 90 FM radiosunun dalğalarında günün müxtəlif saatlarında ləzgi musiqisi səslənir. Dinləyicilərə ləzgi xalq havaları və eləcə də sözləri və musiqisi Sədaqət Kərimovaya məxsus olan müəllif mahnıları təqdim olunur.

"Multikultural Azərbaycan" xəbər verir ki, İctimai radionun “Azərbaycan musiqisi” layihəsi çərçivəsində hazırlanan azsaylı xalqların musiqi yaradıcılığına həsr olunmuş verlişin aparıcısı, tanınmış jurnalist Pərvanə Nadirqızının bu dəfəki qonağı şair-bəstəkar Sədaqət Kərimova olub. Onun ləzgilərin musiqisi ilə bağlı fikirləri verilişin əsasını təşkil edib.

Veriliş davamlı şəkildə hələ bir ay da efirdə olacaq.