Xəbər verdiyimiz kimi, xristianlara məxsus “persecution.org” saytı qərəzli şəkildə Azərbaycanın xristianların ən çox təqib olunduğu 10 ölkə arasında olduğunu iddia edib. Ermənistan və dünyada erməni lobbisinə yaxın olan media resursları və beynəlxalq təşkilatlar bu xəbəri paylaşaraq dünyaya çağırışlar edirlər. Fox News isə Amerika Beynəlxalq Xristian Konserninə (ICC) istinadən açıqlama yayıb.

Təşkilatın hesabatında deyilir: “Azərbaycan Türkiyə ilə birlikdə onların hərəkətlərinin İslama xristianlığın çox spesifik versiyalarını istisna edən imtiyaz verən pantürkist ideologiya çərçivəsində həyata keçirildiyini açıq şəkildə bəyan edib”.

Konsern ABŞ Konqresini Dağlıq Qarabağ münaqişəsi zamanı cinayətlərin törədilməsində Türkiyənin rolunu tanımağa və erməni hərbi əsirlərin statusunun araşdırılmasında AİHM-ə dəstək verməyə çağırıb.

ICC həmçinin Beynəlxalq Dini Etiqad Azadlıqları Komissiyasını və ABŞ Dövlət Departamentinin müvafiq şöbələrini qondarma Artsaxın dini etiqad azadlığı ilə bağlı əlaqə xətti açmağa çağırıb.